【狂野時速】十大離晒大譜反人類嘅飛車場面
《狂野時速》，就係要睇佢有幾離譜。
網上圖片
《狂野時速》系列已經拍左十八年，每集最大賣點當然係飛車，早前嘅外傳《狂野時速：雙雄聯盟》都得到唔錯嘅評價，再次喺全球掀起狂野熱潮。今次就同大家重温下《狂野時速》系列十大痴線場面。
第十位：保羅獲加連人連人帶車飛上船
網上圖片
喺第二集嘅《狂野時速》入面，飾演Brian嘅保羅獲加為左救出女主角Monica，不惜連人帶車飛上船
第九位：飛車分洪海
網上圖片
第三集嘅《狂野極速：飄移東京》同前兩集完全唔一樣，起用全新演員班底，並且移師到日本東京。話明飄移東京，去到全球最繁忙嘅澀谷十字路口，幾個車手輪住喺人群之中飄移，根本就係飛車分洪海。
第八位：跳完火車再跳崖
網上圖片
喺《狂野時速5》入面，Brian要喺火車入面跳落去拍擋Dom架車度，之後仲要遇到懸崖。結果雙雙墮崖，最後當然冇事。
第七位：Air Drop
網上圖片
睇過《狂野時速7》嘅觀眾一定會記得呢幕，就係一眾角色坐住唔同嘅靚車喺飛機降落到地面，真係嚇到心都離一離。
第六位：大戰坦克車
網上圖片
喺《狂野時速6》Roman差啲畀坦克車碾過，Brian就跳出去救佢。
第五位：撞爛四十架車
網上圖片
《狂野時速7》入面一場山間公路飛車場面，撞爛左四十架車，一堆新款Benz撞到變晒廢鐵。
第四位：飛住車拖夾萬
網上圖片
《狂野時速5》有大量槍戰同肉搏場面，其中拖住十幾噸夾萬喺街度飛車令到唔少觀眾讚不絕口。
第三位：飛車飛上天撞冧直升機
網上圖片
《狂野時速7》Dom直飛車飛上天直接撞冧直升機。
第二位：飛越三幢摩天大樓
網上圖片
《狂野時速7》Brian同Dom一齊開架車飛過杜拜三幢超級摩天大樓。最後當然又冇事。
第一位：徒手接魚雷
網上圖片
《狂野時速8》嘅電影尾段，主角一行人喺冰飛車，但畀魚雷襲擊。但係狄維莊遜空手接住魚雷，然後再一腳踢開，成件事喺電影嚟講非常合理。
