阿Sa著白裙女神look遊希臘 神廟前打卡圓兒時夢
細細個就對希臘神話著迷~
蔡卓妍（阿Sa）完成舞台劇《情敵勸退師》後，近日到「由細到大一直最最最最想去嘅地方」旅行，並在社交網站分享靚相。
網上圖片
網上圖片
阿Sa今日（9日）在社交網站發文：「細細個媽咪最鐘（鍾）意同我講希臘神話故事，印象最深刻就係Aaron嘅音樂特輯『希臘驚情』 。睇完之後，我仲著住嫲嫲對阿婆拖鞋加毛巾被扮希臘女神。讀中學嘅時候唯一一本令我睇完又睇嘅書就係『The Greek Gods』， 所以由細到大一直最最最最想去嘅地方就係希臘，好想親眼望吓Parthenon，好想遊歷所有嘅古蹟， 好想感受吓古希臘文，同埋好想著條白色『女神』裙懶靚咁影張相 （唔好笑我 兒時夢想吖嘛）」 ，並標籤 「#雖然長途跋涉加時差有啲攰」 、「 #但見到嗰一刻真係好震撼」 、「 #雖然經歷過幾次戰火洗禮」、「 #依然係咁靚咁宏偉」、「 #仲有bonus無敵日落」。
網上圖片
網上圖片
不少好友亦留言大讚，容祖兒指，「哇鐘麗緹啊」，鄭希怡則指「女神呀」，而許靖韻亦指「好靚呀」；而粉絲亦指，「第一張相完全feel到個希臘女神式坐姿呀」、「女神真係好靚啊，沒有懶靚 係真係好靚」、「女神會唔會太仙」等。
