《犯罪現場》古天樂畀人屈係兇手 最後要靠鸚鵡還清白

Leng Zai @ UPower

呢啲戲睇落都係熟口熟面,被屈殺人之後為自己還清白而搞一場大龍鳳。最近嘅例子有《白宮淪入3》。

嚟緊最新嘅港產片《犯罪現場》由爾冬陞監製、馮志強執導。古天樂、宣萱主演。呢部戲喺今年年頭喺影視博覽公開左前導預告,早前又出左新預告,睇到電影有連場大場面,相當犀利。

網上圖片

《犯罪現場》講述發生左一單珠寶劫案之後,一個匪徒喺工廈單位死左,所有賊贓唔見晒,差人覺得係班賊畀人起尾注而殺人滅口,疑犯就係劫匪嘅大佬汪新元(古天樂 飾)。葉守正(姜皓文 飾)就帶埋一班差人林法樑(張繼聰 飾)同埋少梅(顏卓靈 飾)去調查。佢地確定呢單案係同三個月前嘅「利新珠寶劫案」有關,最奇怪嘅係當日有份打劫嘅匪徒都逐一被殺。大家都覺得冇晒辦法嘅時候,原來現仲有惟一嘅目擊證人,就識講嘢嘅鸚鵡。

網上圖片

喺今次嘅最新預告度,我地睇到劫匪之一嘅張松枝叫古天樂自首,點知古天樂對住張松枝開槍。顏卓靈喺佐敦大馬路狂奔捉賊,仲有唔少鬧市飛車場面,所有證據都指向係古天樂所為。至於證人鸚鵡就喺最後一個鏡頭出現,保持緘默。

網上圖片

其實喺現實世界,真係有鸚鵡指證殺人凶手嘅「案例」。喺2014年嘅時候,喺印度就有個女人畀人入屋劫殺,差人就鎖定左係熟人所為,但苦無頭緒。不過,每當死者個老公提到佢個姨甥嗰陣,死者嘅鸚鵡就會相當不安,表現奇怪。後來呢位老公就通報差人,最後證實真係姨甥所為,成功破案。

網上圖片

但係《犯罪現場》最後又係唔係由鸚鵡破案呢。十月二十四日會喺香港上畫,到時就知答案。

Tagged:

Facebook Conversations