《曳曳同學會》兒童不宜嘅兒童喜劇

Leng Zai @ UPower

外國人係早熟啲。

《曳曳同學會》應該係今年最搞笑嘅荷李活喜劇,由《賤鄰50》、《洋腸派對》班底製作,電影講述三隻小學雞啱啱升中一,為左參加咀咀Party而諗盡辦法研究點樣咀咀。結果最後搞到一鑊粥!

網上圖片

三個童星嘅精湛演技,成個摸索咀咀嘅曳曳經歷真係笑死人冇命賠。三位小學雞喺現實世界都係好朋友,喺加拿大嘅第二日嘅拍攝工作就齊齊去左雅各川伯尼(Jacob Tremblay)屋企過夜,之後三人嘅友誼同默契變得更加好。

網上圖片

喺戲中,其中一幕係講述三個齊齊去買丸仔。其中Keith L. Williams生得比兩位拍擋更高大,喺劇情中就話佢畀人誤會係大學生,其實又真係唔出奇。三位小演員表示喺戲中大部嘅情節都係即興演出,Keith 生得咁高,莫非戲中嘅咸笑話係佢諗嘅?

網上圖片

咁三位小演員喺清談節目受訪嘅時候就扮晒蟹話唔知啲笑話點解,佢地就話如果有唔明或者好奇都會問返父母。但係佢地嘅爸爸媽媽就話,如果父母認為三位童星唔需要知道,咁就唔會話畀佢知。今次嘅《曳曳同學會》就有kiss嘅戲份,當然會問到父母有咩意見。雅各就話佢阿媽經常提佢要保持個嘴乾燥,高大嘅Keith雖然冇咀戲,但佢阿媽都有提佢食下啲薄荷糖香口膠之類嘅嘢。

網上圖片

不過,現實最早熟嘅人就飾演「Thor」嘅Brady Noon。原來佢喺讀幼稚園嗰陣就拎住阿媽隻結婚戒指返學校同女同學求婚,最後食檸檬。最後要老師打電話要阿媽返學校拎返戒指。

Tagged:

Facebook Conversations