法國晒35D「胸器」大派福利 胡美貽求6呎高佬做伴
Nicole自爆dry足兩年！
擁35D、24、36逼爆身材的2017落選港姐胡美貽（Nicole），曾跟36E陳婉衡（Alycia）拍過TVB節目《3日2夜》峇里篇，兩位「咪神」相遇更穿比堅尼「角力」，睇到巴打們噴晒血。而在下周六（21日）播出的法國迪南篇，Nicole再着泳衣大派福利，同場還有《娛樂新聞台》主播吳紫韻（Purple），後者身材fit到漏，索女加靚景，節目非常治瘉。
胡美貽同「咪神」陳婉衡拍過峇里篇，兩位「咪界」高人各有千秋
胡美貽和吳紫韻各有長處。
Nicole和Purple早前為《3日2夜》到法國迪南10日，兩人坐熱氣球及去沙灘取景，著比堅尼盡show美好身材，搞到有40度高溫的法國更加熾熱！Nicole說：「出發前3個禮拜都有戒澱粉質，盡量想keep好個身材，所以今次可以盡情咁換上3套泳衣。我哋去咗個沙灘節，巴黎好熱，攝氏成40度，要不停暴曬，仲周圍去旅遊勝地打卡影相。Purple身材比較嬌滴滴，不過，我覺得自己手臂同大腿再瘦啲就更好，我哋各有長處，唔會刻意比較。」
節目中胡美貽和吳紫韻着三點式派福利。
Nicole在迪南市名勝影相打卡。
對於火辣身材好亮眼，Nicole坦言節目中都會有其穿泳裝的大特寫鏡頭，亦唔介意將好嘢公諸同好：「我本身好鍾意曬太陽，又好鍾意滑浪，而且由細到大都喺美國加州生活，幾乎兩個禮拜去一次沙灘，每次都係着三點式已成習慣，而且外國人身材都好好，對比我唔會太特別，冇人會關注我身材或者去比較，但我知道香港女仔着三點式會比較怕羞。」問到是否有好多裙下之臣？Nicole自爆dry足兩年，因為她要求對象一定要有6呎以上，可惜香港高佬不多！
胡美貽雖然有樣有身材，但單身兩年，有六呎高嘅巴打請加把勁。
胡美貽無穿三點式，但身材一樣遮唔住。
