• U生活

「華城連環殺人案」疑犯獄中形象正面 仲睇左三次《殺人回憶》？

2019年09月25日 12:53 am

Leng Zai @ UPower

殺人犯睇《殺人回憶》，只有喺電影先可以諗返起當初殺人滋味？

早前南韓三大懸案之一「華城連環殺人案」有左最新突破，南韓警方利用DNA對比揾到凶手，好有可能就係喺被判無期徒刑姓李嘅犯人。

呢個李犯人係呢單連環姦殺案嘅第一疑犯，第一單案係喺1986年9月14日，一個69歲嘅阿婆畀人勒死，下半身赤裸趴喺田入面。之後五年陸續出現受害人，年齡由13歲到69歲。凶手會將異物塞入死者下體，包括：9塊水蜜桃、鐵叉、湯匙和原子筆。同埋佢地嘅嘴會畀凶手用、手巾或內褲塞住。

李犯人因為喺1994年姦殺老婆個妹再棄屍，所以被判無期徒刑。呢個亦都係點解當年連環殺人犯人唔再殺人。有囚犯向南韓傳媒報料，呢個連環姦殺犯喺獄中表現相當之好，佢係宗教聚會嘅領袖，亦都會將喺聚收到嘅麵包分畀其他犯人，就連件囚衣燙得仲直獄警嘅制服。因為好好先生嘅形象，所以李犯人嘅獄中都幾受歡迎。

報料嘅囚犯喺2016年畀人塔左去釜山監獄，呢位囚犯就同李犯人相處左兩年。佢話李犯人喺獄中睇左三次《殺人回憶》，係以「華城連環殺人案」改編。報料囚犯表示，李犯人一邊睇套戲同其他犯人一齊鬧。報料囚犯話諗返起都驚。佢仲話只要問起李囚犯嘅私事，對方就會即刻轉話題。而且囚犯之間都成日會討論李犯人個樣，因為警方一早出華城殺人魔嘅模擬畫像，個個都覺得佢生得似個姦殺狂魔。