美國奇案片《The Amityville Horror》 滅門凶宅踏正半夜三點三怪聲連連兼有惡臭
奇案片唔係香港電影嘅專利。
喺1979年嘅美國恐怖片《The Amityville Horror》改編自真人真事，可謂荷李活嘅奇案片。案件係單滅門慘案，惟一生環者係死者23歲嘅仔，之後差人發現原來佢就係真凶。另外最奇怪嘅地方係，滅門案之後嘅十三個月又發生左靈異事件。關於呢間Amityville恐怖大屋嘅改編電影電視作品有成十六部。
網上圖片
《The Amityville Horror》係由美國導演Stuart Rosenberg執導，James Brolin同Margot Kidder主演。Margot Kidder喺1978年嘅《超人》飾演超人嘅同事兼單戀對象Lois Lane。呢部《The Amityville Horror》當年評價一般，但電影預算只有470萬美金，美國票房就有8,640萬美金，係當年美國第二高票房嘅電影，成功刀仔鋸大樹。之後喺2005，荷李活翻拍呢部戲，同口碑麻麻，以1,900萬美元預算，全球票房勁收1億零800萬美金。
網上圖片
呢單滅門案喺1974年發生，喺Amityville嘅大屋發生呢件事。當年11月13日，23歲嘅Ronald DeFeo Jr.走左村入面嘅酒吧，同入面嘅人講話自己一家六口畀人槍殺。包括佢阿父母、同埋四個細佬妹。差人到場確認Ronald 嘅六個家人死晒，因為佢係呢單案嘅惟一倖存者，有傳差人為左保護佢就等佢去差館暫住。點知，到左第二日，Ronald就差人承認係自己殺晒全家，仲話一殺人就停唔到手。
網上圖片
凶手Ronald就同差人講話聽到間屋入面「有人」叫佢殺人，仲同佢話全家都係魔鬼，所以就大開殺戒。連當佢嘅辯護律師都話佢犯案嘅時候畀惡鬼上身。咁最後法庭就當然唔接受呢個抗辯理由啦，Ronald最後謀殺罪成，判處六個無期徒刑，監禁150年。最古怪嘅，案發嘅時候六個死者全部瞓喺張床度，冇任何反抗行為，但係驗屍結果就講明六個死者體內都有任何化學藥物反應。
網上圖片
發生呢單單血案一年之後，1975年12月8日，一對年輕夫婦George Lutz同Kathy Lutz帶埋三個仔女用超平價買左呢間凶宅。但係，間屋一到每晚嘅三點十五分都會傳出怪聲，仲會傳出陣陣惡臭。最得人驚嘅係，George 發現佢個女會同「朋友」傾偈，但當時間屋有其他人喺度。後來兩公婆發現當年Ronald DeFeo Jr.就係喺半夜三點十五分殺人。於是佢地請神父到間屋驅魔，但係一直都係有靈異活動。最後一家住左28日就急急腳搬走左。
網上圖片
呢間屋喺1927年落成，以荷蘭殖民地建築風格設計，有車庫、碼頭同泳池嘅美國典型豪宅。之後都有唔同嘅人入住，但都相安無事。最近嘅交易係喺2010年9月，當年以95萬美金賣出。
