《Our Planet》攝製團隊不惜搏命入叢林拍動物 最後搞到下面「生粒粒」
唔知攝影師哥哥入叢林嗰陣有冇做足保護措施呢 ?
早前喺第71屆艾美獎贏左「最佳紀錄片/最佳連續寫實節目」嘅Netflix紀綠片《Our Planet》提醒大家只得一個地球，喺劇集入面咁多珍貴嘅奇觀其實係攝製隊搏晒命先至拍到返嚟。
網上圖片
《Our Planet》歷時四年時間拍攝，去左六十個國家取景，六百個工作人員參與拍攝。喺壯觀嘅大自奇觀嘅背後，其實有無數個工作人員付出無限心血換返嚟。早前Netflix推出左裝作花絮，揭示一班工作人員為左鏡頭而要承受會死人嘅風險。
網上圖片
攝製團隊為左拍到鯊魚獵食嘅畫面，專登去南太平洋法屬波里尼西亞嘅島仔取景，攝影師唔單止要面對會食人嘅鯊魚，仲要應付強勁嘅水流，所以落水之前要着埋防咬鎖子甲保護自己。
網上圖片
拍攝當日嘅鯊魚比平時多，喺片段見到幾百條鯊魚係咁捕獵，仲喺工作人員面前游過。攝影師仲要入去鯊魚群入面拍攝，好彩最後冇事。其實鯊魚對沿岸嘅生態環境好緊要，因為佢地專食行動緩慢嘅病魚同埋海低嘅魚屍，所以會有淨化海洋嘅作用。保護好鯊魚先可以令其他海洋生物繁殖落去。
網上圖片
另外，團隊為左拍攝西伯利亞虎不惜深入俄羅斯雪地，因為全球得返150隻西伯利亞虎，團隊喺雪地等足兩個月都見唔到有老虎。直到一年之後，攝製隊無意發現老虎腳印，最後先成功捕足到珍貴嘅西伯利亞虎嘅影像。攝製隊由籌備到正式拍攝，用左成兩年先成功，令到《Our Planet》導演兼攝影師兼監製嘅Kieran O'donovan相當感動。
網上圖片
落完海去埋雪地之後，團隊仲要入埋印尼蘇門答臘熱帶兩林拍紅毛猩猩。熱帶叢林入面蚊蟲肆虐、四圍都係沼澤，紅毛猩猩永遠都樹上面走嚟走去，唔會落地。最麻煩就係要跟住猩猩嘅速度，喺佢地跳過隔離棵樹嘅幾秒之內，攝影師要做好準備對焦拍攝。
網上圖片
但係，唔係咁容易會影到紅毛猩猩，因為佢地走得勁快。其中一位攝影師Matt因為長期浸喺泥水入面，搞到兩隻腳又紅又腫，生晒水泡，要被逼停工。好彩最後都捕捉到紅毛猩猩嘅畫面，仲影到佢地用樹枝將螞蟻挖出來。
網上圖片
