日本著性感婚紗影婚照 Jessica@SG爆未婚夫煩過女人
Jessica笑未婚夫成日都好chok。
Super Girls成員蔡明思（Jessica）今年4月與拍拖近交年的圈外男友Steven 訂婚，並將於下月27號在台北的酒店擺婚宴。距離婚禮還有一個月時間，今日（24日）Jessica先向親戚好友送上嫁女餅，同時附上一張印有二人於日本拍攝婚紗相的卡片，上面印有二人英文名縮寫「JS」的logo。
Jessica今日向親戚好友送上嫁女餅。
Jessica今日向親戚好友送上嫁女餅。
婚照卡片上印有二人英文名縮寫「JS」的logo。
Jessica透露早前帶了三套婚紗去日本米子市拍攝以大自然為主題的婚紗相，她在沙灘上與男友拍攝的一套婚紗，露背之餘亦有開胸設計，非常性感，她表示︰「拍攝的婚紗男友冇特別畀意見，冇唔畀性感，而且影的婚紗唔係結婚當日嗰套，反而結婚套婚紗都好性感，幾Deep V，我都有問佢如果著呢套ok嗎？可能有長輩比較傳統，未必太鍾意。佢就話著我覺得好的婚紗，唔洗諗咁多，佢話佢乜都ok。」
Jessica指男友對婚紗沒有特別意見。
蔡明思
雖然男友對婚紗無要求，但Jessica笑言對方拍攝當日「煩過女人」，連攝影師都頂唔順，「佢成日都好chok，連攝影師都頂唔順，成日笑佢『得㗎喇，可以出道喇』。因為佢對於自己影的相好有要求，當攝影師只係影緊我，佢就不斷在旁邊擺甫士，攝影師見到就唔好意思唔理佢，走埋去同佢影幾張相。」
Jessica笑言男友拍攝當日「煩過女人」。
Jessica透露男友比自己更緊張拍攝效果，令她當日累到不想再影，「佢有好多idea，畀好多參考圖攝影師睇，不過佢就樂在其中，比女仔要求更多。雖然今次係幾好玩，不過因為佢好多要求，影到我好累，我同佢講唔好再影，佢就會話『我人生得一次，你好好配合我啦』，反而係男仔咁同女仔講，都幾好笑！」
Jessica透露男友比自己更緊張拍攝效果。
Jessica又指男友要求多多。
