台灣戲院奇招谷新戲 《返校》主題廁所嚇到觀眾唔敢用
呢啲就叫生意頭腦，總有某啲地方嘅人永遠唔想賺錢咁。
網上圖片
台灣電影《返校》改編同名大熱遊戲，早前喺台灣上畫，因為本身遊戲已經大獲好評，所以唔少人都好期待呢部新作。而喺台灣，就有院商用奇招為《返校》做宣傳，嚇到觀眾連廁都唔敢去。
網上圖片
事關呢間戲院整左個《返校》主題廁所，原本成個戲院廁所都係《返校》戲中嘅佈置，但院商驚嚇親觀眾，決定拆左九樓廁所嘅布置，保留其他兩層樓嘅布置畀觀眾參觀。
網上圖片
唔單止係布置花心機，就連職員都換埋《返校》入面嘅制服賣飛，務求一入戲院就可以進入電影世界。
網上圖片
有觀眾就指呢啲布置相當得人驚，有人話嚇到瀨屎、屙唔出、寧願忍到膀胱炸裂。觀眾覺得佈滿黑白相同埋封條，再加埋黃光真係好邪，仲覺得清潔阿姐會唔敢去洗廁所。
網上圖片
呢間位於高雄大立嘅in89豪華影城諗到呢招做宣傳認真唔簡單，呢系列嘅佈置會維持到九月廿七日，如果喺呢段時間去高雄旅行嘅朋友可以去戲院體驗下。
網上圖片
