《猛禽暴隊：解瘋小丑女》首段預告片曝光 哈莉擺脫同小丑崎戀活出自我
任何人都要好似小丑女咁，為自己而活，唔需要一味討好其他人。
由瑪歌羅比（Margot Robbie）主演嘅DC電影《猛禽暴隊：解瘋小丑女》（Birds of Prey）早前公開左第一條預告，今次《猛禽暴隊：解瘋小丑女》主以「小丑女」Harley Quinn做主導。哈莉帶領一班女反派角色，包括：黑金絲雀（Black Canary）、女獵手（Huntress）與Renee Montoya，聯手救出畀Black Mask追殺嘅細路女。
網上圖片
喺預告見到，小丑女喺今集同小丑分手，令佢發現左想要一個全新開始，唔想再做小丑嘅附庸。但哈莉發現葛咸城原來唔止得一個人想得到新開始，於是就聯群結隊一齊大鬧葛咸城。
網上圖片
其實喺原著入面，小丑同小丑女哈莉嘅感情相當複雜兼殘忍。喺原著入面，哈莉成日都畀小丑拳打腳踢，甚至幾乎畀佢殺死。
網上圖片
網上圖片
哈莉呢個角色係起源於動畫版，喺入面佢係一個心理醫生。喺好奇心驅使之下，佢以研究為理由接近小丑，但之後佢信晒小丑作出嚟嘅悲情身世，鍾意左小丑，仲幫埋佢逃獄。我地見到一開始係哈莉畀小丑洗左腦，搞到自己以為係小丑嘅惟一依靠，母性大發，變成為左小丑咩都做得出嘅女人。
網上圖片
喺之後嘅動畫版劇情入面，只要有小丑出現，佢身邊就一定會有哈莉。無論小丑要做啲乜嘢，哈莉一定會照做，同奴隸一樣。小丑為左逃生仲會想犧牲哈莉，有時仲會覺得佢成日大獻殷勤好乞人憎。喺漫畫入面，如果小丑覺得自己就嚟死的話，就會將哈莉當做生仔工具傳宗接代。
網上圖片
喺漫畫正史世界嘅New 52 時期，哈莉同小丑分手，呢個時候就分左兩個連載，一個係自殺特攻，另一個就掛自己名嘅個人故事。兩個故事都係寫哈莉成功擺脫小丑影子，唔再做人附庸。哈莉唔再為愛瘋狂，唔再為男人無限付出，成功活出真我。
網上圖片
