《情迷紐約下雨天》浪漫紐約愛情故事 十部活地亞倫經典作品
唔好搞錯，係美國嗰個活地亞倫。
活地亞倫因為被揭發喺九十年代性侵七歲嘅養女，雖然當局已即時展開調查，但係最後因為證據不足而冇起訴佢。最近美國傳媒就舊事重提，一班合作過嘅演員紛紛杯葛活地亞倫，新作《情迷紐約下雨天》嘅演員將片酬捐晒畀慈善機構。就連片商Amazon寧願違約賠錢都唔畀呢套戲喺美國上畫，咁究竟呢套係咩戲呢？
網上圖片
《情迷紐約下雨天》故事講述紐大學生女主角Ashleigh因為要負責大學嘅學生報，所以就到曼克頓採訪，遇到電影圈三個中年男人，包括偶像導演Roland Pollard、失意編劇Davidoff、上世代男星Francisco Vega。三位阿叔都視Ashleigh為繆思女神，幾乎陷入四角戀關係，仲搞到Ashleigh連正室男朋友都唔記得。
網上圖片
《情迷紐約下雨天》依然係活地亞倫式嘅電影，年紀大但又有才華嘅中佬，精警幽默嘅對白道出獨到嘅哲學觀，如果係正版活地亞倫影迷一定會鍾意。（因為MK都有個活地亞倫）今次就分享下活地亞倫十二部經典作品，等大家入場之前重温下。
1.《野貓嬉春》（What's Up, Tiger Lily? 1966）
網上圖片
活地亞倫處男作，成套戲大部片段都係喺六十年代嘅日本電影《國際秘密警察火藥之樽》同埋《國際秘密警察鍵之鍵》剪返嚟，再加上重新配音設計嘅英文對白，絕對係笑死人之作。
2.《鐵金剛橫掃皇家賭場》（Casino Royale, 1967）
網上圖片
呢部係活地亞倫專心擔任演員嘅作品，《Casino Royale》係喜劇作品，己編自第一部《007》嘅小說。同場參演仲有殿堂級導演兼演員奧遜威爾斯。
3.《情慾奇譚》（Everything You Always Wanted to Know About Sex* (*But Were Afraid to Ask), 1972）
網上圖片
係活地亞倫早期爆笑性喜劇，以多個短篇道出春藥、冷感、性虐、易服癖等性問題。片尾仲會見到活地亞倫變身小精蟲，用擬人化講射精。
4.《儍瓜大鬧科學城》（Sleeper, 1973）
網上圖片
活地亞倫早年自導自演嘅科幻喜劇，講述活地亞倫被冷凍左200年，活地亞倫成為獨裁政權嘅通緝犯。佢為逃亡而扮成機械人，仲同女人質互生情愫，之後就發展成發暴政故事。
5.《安妮荷爾》 （Annie Hall，1977）
網上圖片
活地亞倫半自傳式電影，女土角Annie夢想成為歌手，性格神經質，同活地夾到不得了。喺電影入面，Annie嘅中性打扮，到今日仲係咁好睇有型。
6.《曼克頓》 （Manhattan，1979）
網上圖片
活地亞倫代表作，有繆思戴安基頓做女主角，仲有青春無敵嘅梅麗史翠普做女同志嘅高竇前妻。
7.《緣盡半生》 （Another Woman，1988）
網上圖片
呢部電影係活地專程拍嚟致敬偶像英瑪褒曼嘅名作《野草莓》。
8.《拾夢情真》 （Alice，1990）
網上圖片
美雅花露雖然同活地亞倫反晒面，但都曾經係佢嘅繆思女神，主演過唔少佳作。《拾夢情真》入面嘅Alice已經唔似活地其他作品嘅典型女性，變得更加同情世俗。
9.《迷失決勝分》 （Match Point，2005）
施嘉莉祖安遜最惹火、最性感嘅電影之一，同時亦都證明佢嘅演技之作。
10. 《情迷藍茉莉》 （Blue Jasmine，2013）
網上圖片
姬蒂白蘭芝成功奪得奧斯卡影后之作，一個過氣名門闊太，因為放唔低心結而搞到最後人財兩失嘅悲喜劇。
