《義筆容辭》韓義士誓死編撰辭典 捍衛母語抗日殖民
如果要消滅民族意識，就要先消滅佢嘅文化；如果要消滅文化，就要先消滅佢嘅語言同文字。
要消滅文字就要先偷換日常用語開始先，以日本殖民朝鮮為例：「飯盒」變成「便當」。如果以現今情況為例就係：「酸酪」變「酸奶」、「二奶」變「小三」、「短片」變「視頻」或者「微電影」、「屈機」變「666」。之後再由制度同教育開始雙管齊下，例如今年係普教中十周年。
網上圖片
《逆權司機》司機編劇嚴柔那首次執導之作《義筆容辭》，講述喺四十年代日佔時期嘅韓國，一班義士不惜犧牲一切去守護母語嘅故事。
網上圖片
喺日本佔領朝鮮半島歷時三十五年，日本為左要順利殖民韓國不惜一切都要消滅打壓本土文化，第一件事就係禁止韓國人學韓文，令到韓國語言日漸消失。韓語學會代表柳正煥喺滿洲留學返韓之後，發現好多韓國小朋友都只係識講日文，令到佢下定決心編撰韓語辭典，捍衛母語。
網上圖片
喺陰差陽錯之下，柳正煥遇到文盲金判秀，機緣巧合之下佢去左韓語學會打工。本身金判秀只係一個大老粗，佢唔明點解會有人不求回報，不問利益都要保護母語，佢覺得只要有錢，搞好經濟就冇問題，講咩文都得。但自從金判秀學識韓文之後，開始理解到點解死都要保護母語。
網上圖片
喺日本帝國嘅獨裁強權之下，柳正煥、金判秀同韓語學會嘅其他義士，日夜操勞，用左十年心血，冒死編撰第一本韓語辭典，無懼軍警政權嘅暴力鎮壓。《逆權司機》編劇嚴柔那首部導演作品，繼續用電影致敬無名英雄。
網上圖片
早前《義筆容辭》成為香港亞洲國際電影節嘅開幕電影，暫時仲未有正場上畫嘅時間。
網上圖片
