【蜘蛛俠】三代蜘蛛俠有望喺《毒魔3》同台演出？
所謂同台演出，最後好有機會係就咁CUT返舊作嘅片段畀大家重溫。
網上圖片
迪士尼同SONY終於結束爭奪蜘蛛俠風波，外國媒體就流出關於嚟緊兩集《蜘蛛俠》同《毒魔2》嘅故事方向，最近仲踢爆埋三代蜘蛛俠有機會同台演出。
網上圖片
有關《蜘蛛俠》嘅流言不停咁傳出，今次嘅消息就係Sony想同迪士尼一齊建立蜘蛛宇宙，而且影迷都有機會睇到三代嘅蜘蛛俠同場演出。雖然話係流言，但係爆料人大有來頭，真係寧可信其有。
網上圖片
呢單消息係由一個叫Mikey Sutton嘅記者爆響口，佢最嘅代表作就係全球第一個人踢爆蜘蛛俠將會加入MCU。今次迪士尼同SONY反面之後，其實兩間公司都表明兄弟爬山，但Mikey就搶先披露其實兩大巨頭其實仲繼續講數，而且佢仲預測最終會達成協議，雖然佢最後估錯左迪士尼同SONY傾掂數嘅時間，但係都估到佢地會繼續合作。
網上圖片
日前Mikey Sutton又大爆指Marvel Studios同SONY而家最新嘅計劃係畀湯賀蘭喺《毒魔3》亮相，但佢嘅角色喺Sony嘅MCU可能會有變。Mikey Sutton指出，其實Marvel Studios一直都唔想拍一部以反派做主角嘅獨立電影。不過因為迪士尼同SONY講掂數，畀蜘蛛俠喺兩大宇宙入面穿梭，搞到《毒魔3》可能會被逼改主題。Mikey Sutton仲話如果係由奇雲費治監製《毒魔3》嘅話，毒魔會變成一個反超級英雄嘅角色，而唔係反派角色。
網上圖片
Mikey仲指出，如果奇雲費治冇份做的話，湯賀蘭會飾演一個嚟自其他宇宙嘅蜘蛛俠，而且同MCU冇關係。咁湯賀蘭嘅蜘蛛俠點樣可以同湯哈迪嘅毒魔扯上關係 ? 就係引入蜘蛛宇宙，加入埋安德魯加菲（Andrew Garfield）同杜比麥奎爾（Tobey Maguire）兩代蜘蜘俠，可能會將會建立Secret Wars，而羅素兄弟都有提及過呢個方向。
