【危險人物】有人以為森姆積遜係佢？ 25周年嘅25件趣事 (下)
畀人認錯樣啫，唔洗發脾氣嘅。
14.森姆積遜由試鏡到拍戲都好嬲
網上圖片
塔倫天奴為左森姆積度身訂左Jules呢個角色，話雖如此，但佢仍然都係要試鏡，搞到佢勁嬲。森姆積遜仲買埋個漢堡包喺試鏡嗰陣食，因為嬲得濟嘅原故，所以佢食到個成狠樣咁，連對眼都凸埋出嚟，嚇到班製片人以為佢要開槍殺人。
網上圖片
喺片場嗰陣，一樣有人激嬲森姆積遜。有位「影迷」走去同佢講：「費斯賓先生，我鍾意你做戲。」（羅蘭士費斯賓係《22世紀殺人網絡》嗰個戴黑超嘅黑人，咁又真係有些少似樣嘅）。森姆積遜聽到之後又爆晒粗話：「佢唔知我係邊個咩？Ｘ佢老母啦，我先唔志在。」
15.吸毒速成班
當年塔倫天奴識得有朋友戒緊毒，所以佢就叫朋友去教肥尊點樣先做到吸毒到好high嘅狀態。朋友教路，一邊浸浴缸，一邊係咁隊Tequila，嗰種飲大左嘅感覺就非常接近吸左海洛英嘅狀態，但又唔洗真係吸毒。
16.粗口銀包
網上圖片
呢個印住「Bad Mother Fucker」嘅銀包令唔少觀眾都印象深刻，其實係塔倫天奴自己個私伙嘢。
17.羅拔洛迪格斯執導塔倫天奴戲份
網上圖片
羅拔洛迪格斯係塔倫天奴個最好朋友，佢地成日都互相幫手。喺《危險人物》入面，塔倫天奴親自演出嘅部份，其實由羅拔去執導。後來塔倫天奴都幫手導演《罪惡城》嘅其中一個片段。
18.跳舞場面致敬大師
網上圖片
《危險人物》其中一段最經典應該係肥尊同奧瑪花曼跳舞，呢段係照抄意大利大師費里尼嘅經典之作《八部半》。事關肥尊喺八歲嗰陣參加跳舞比賽拎過獎，所以呢段舞步係佢教奧瑪花曼跳。
19.獎盃係偷返嚟
網上圖片
舞蹈比賽完左之後，肥尊同奧瑪花曼拎住個獎盃返屋企，你以為佢地贏左冠軍？其實喺嗰場戲入面，電視機播新聞，其實呢獎盃偷返嚟，不過都唔重要，因為肥尊過左幾分鐘之後畀布斯韋利士打死左。
20.肥尊真係拍左套歌舞片
網上圖片
成套戲嘅成本總八百萬美金，呢場跳舞比賽就有左十五萬美金，電影嘅煞科宴都係喺呢間「餐廳」場景度搞，當時飾 Captain Koons演基斯杜化華堅仲同肥尊一齊跳雙人舞，估唔到去到2007年佢兩個一齊主演歌舞片戀愛大爆髮。
21.復興七分褲
網上圖片
雖然《危險人物》成本唔高，但係唔代表製作簡陋，服裝指導Betsy Heimann揾唔到一條啱身嘅長褲畀身高五呎十一嘅奧瑪花曼，佢索性將手頭有嘅褲裁短啲，變成七分褲。本來已經唔興咁着，但奧瑪花曼一着就即刻又變返潮流。
22.同工同酬
網上圖片
《危險人物》每個主角嘅人工係一樣，都係兩萬蚊美金周薪連票房分紅，喺全世界嚟講都係前所未有。
23.膠布嘅用途
網上圖片
黑社會大佬Marsellus條頸後面黐左塊膠布，咁係為左遮住演員榮雷美斯嘅疤痕，當年上畫嗰陣有影迷可能係high大左，佢地認為有魔鬼喺黐膠布個位拎左榮雷美斯嘅靈魂。之後塔倫天奴就話冇呢回事，佢話之前有其他演員因為「強姦」嗰場戲而推演，但係榮雷美斯就話自己好少做脆弱嘅男人，所以就應承左。
24.Mia油畫
網上圖片
喺戲中可以睇到一幅畫左奧瑪花曼飾演嘅Mia，呢幅畫係《危險人物》嘅首席平面設計Gerald Martinez嘅阿哥Steven Martinez義務畫嘅，喺電影最後有特別鳴謝佢。
25.個箱入面有咩？
網上圖片
肥尊同森姆積遜一直都保護緊個神秘嘅公事包，咁究竟入面收埋啲咩呢？好多影迷都有唔同嘅答案，有人估係錢，有人估係Marsellus 嘅靈魂。後來塔倫天奴受訪嘅時候表示，觀覺得係咩就係咩，就係唔肯開估一路吊你癮。
