【萬聖節煲劇指南】10大驚悚黑暗美劇
萬聖節唔想出街扮鬼嘅話，留喺屋企煲劇都係一個唔錯嘅慶祝方法。
網上圖片
又嚟到萬聖節，外國權威雜誌《電視指南》精選左十部驚悚美劇去畀大家應節，除左《怪奇物語》之外，仲有邊幾套劇集值得大家煲呢？
1.《迷離境界》（The Twilight Zone）
網上圖片
由《訪．嚇》、《我們．異》導演佐敦比爾（Jordan Peele）主導嘅翻拍經典劇集《迷離境界》，而且佐敦仲親自擔任旁白，將故事變成現代角度，為新一代《迷離境界》嘅影迷而，仲會牽涉到科幻小說、神秘主義同埋世人嘅希望同恐懼。大家可以先重温下由Rod Serling做旁白嘅原版劇集。
2.《怪奇物語》（Stranger Things）
網上圖片
可能大家已經睇左第三季，但係重温返Eleven同佢嘅朋友仔喺呢幾年嘅變化仍然覺得好有趣，雖然呢套劇集唔算得上係超恐怖劇集，但係「Demogorgon」都係好得驚。
3.《Lore》
網上圖片
《Lore》係每集獨立故事嘅單元劇，係改編Aaron Mahnke嘅同名Podcast 節目，為大家揭秘可怕嘅真實事件。劇集係由《陰屍路》（The Walking Dead）、《X檔案》（The X-Files）嘅一班監製精心打造。
4.《陰宅異事》（The Haunting of Hill House）
網上圖片
導演Mike Flanagan改編美國經典同名小說，將故事搬到現代舞台，講出一個家族喺美國最出名嘅鬼屋住過嘅故事。發生悲劇之後，長大成人嘅兄弟姊妹重聚埋一齊，佢地必須面對自己以前嘅陰影。
5.《Creepshow》
網上圖片
由《陰屍路》導演Greg Nicotero監製之作，呢部劇集係改編自1982年嘅同名電影，而每集故事係獨立單元故事。12集嘅故事由自殺、謀殺、自超然同冇辦法解釋嘅恐怖現象。劇集喺美國嘅串流平台Shudder 播出之後叫好叫座，打破平台嘅收視紀錄。
6.《Castle Rock》
網上圖片
《Castle Rock》係改編自驚悚大師史提芬京嘅一系列小說，書迷可以煲劇掘彩蛋，睇下編導改編左邊本小說作品。
7.《惡魔之母》（Marianne）
網上圖片
劇情講述恐怖小說作家返到法國鄉下嘅時候，佢發現平時喺惡夢纏擾住佢嘅惡鬼就喺佢身邊，而且而令人極為恐懼同血腥嘅方式搞亂世界。
8.《Tell Me a Story》
網上圖片
由《奪命狂呼》系列編劇Kevin Williamson主創嘅《Tell Me a Story》，故事將耳熟能詳嘅童話故事，例如《灰姑娘》和《美女與野獸》變成黑暗可伯嘅現代版本。
9.《Light as a Feather》
網上圖片
《Light as a Feather》講述五個女仔喺萬聖節嗰陣一齊玩「Light as a Feather, Stiff as a Board」嘅自然漂浮遊戲，都市傳說指玩唸左呢段咒語就會令身體自然漂起，但之後引起連串超自然嘅死亡事件。
10.《狙魔人》(Supernatural)
網上圖片
相信大家喺明珠台都睇過《狙魔人》，大家如果有興趣可以重温返早期嘅季數，睇返當年雲徹斯特兄弟點樣大戰恐怖惡魔。
