迪士尼唔買《蜘蛛俠》版權係因為之前已經洗晒啲錢？
同一個價錢，你要《星戰》定《蜘蛛俠》?
網上圖片
迪士尼同SONY爭奪蜘蛛俠版權而搞到滿城風雨，不過早前終於傾掂數，兩大公司繼續合作搞蜘蛛俠。不過最近又有消息指迪士尼以後都唔會同SONY買斷蜘蛛俠嘅版權，當然係因為錢作怪。
網上圖片
據聞SONY嘅《蜘蛛俠》版權值四十億美金，價值同《星球大戰》一樣，但係迪士尼同Marvel其實一早就擁有蜘蛛俠嘅周邊產品同漫畫嘅版權，拎四十億去買《蜘蛛俠》嘅電影版權似乎有啲戇居。
網上圖片
每隔兩年先可以推出新一部《蜘蛛俠》電影，其實就唔會賺到好多錢，2017年嘅《蜘蛛俠：強勢回歸》賺到8.8億美金，成本為1.75億美金；《蜘蛛俠：決戰千里》就有1.6億預算，但係就賺到11.31億美金，應該係因為緊貼住《復仇者聯盟4》之後上畫，所以就有咁理想嘅票房。
網上圖片
其實咩都講個錢字，拍一部電影又要宣傳，又要同院線分成，所以票房數字唔等於賺到嘅錢。同埋嚟緊MCU已經準備好迎接二十世紀霍士嘅「神奇四俠」同「變種特攻」，就算之後迪士尼同SONY又有拗撬都唔怕，隨時又有貨拎出嚟用。而家MCU除左蜘蛛俠之外，仲會有毒魔、血蜘蛛等角色，基本上都好穩陣。
網上圖片
迪士尼CEO Bob Iger表明之後都唔會再有另一單嘅大型收購交易，換言之迪士尼都唔會再想出錢買蜘蛛俠版權。迪士尼同SONY嘅協議係，迪士尼要25%嘅票房分紅，《蜘蛛俠3》將會喺2021年7月16日上畫，繼續由Jon Watts做導演。
