基斯伊雲斯忍唔到手篤「黑寡婦」胳肋底？ 互訪爆料美國隊長有機會重返MCU

意外被篤都笑咗~

網上圖片

前「美國隊長」基斯伊雲斯（Chris Evans）同「黑寡婦」施嘉莉祖安遜（Scarlett Johansson）兩個喺《復仇者聯盟4》入面都退下火線，最近佢地接受外國傳媒《Variety》嘅Actors on Actors單元，施嘉莉直接幫影問基斯伊雲斯 ：「你會唔會再做返美國隊長？」

施嘉莉除左「黑寡婦」之外，今年仲有兩部作品角逐出年奧斯卡，包括Netflix 原創電影《婚姻故事》(Marriage Story)、同埋由《雷神3》導演Taika Waititi執導嘅《陽光兔仔兵》。基斯就同「007」丹尼爾卡特（Daniel Craig）主演嘅懸疑片《神探白朗：福比利大宅謀殺案》(Knives Out) 。

網上圖片

基斯聽到施嘉莉嘅問題，第一時間用笑容掩飾尷尬，搞到人地又要再問多次，呢個時候基斯先答：「唔好講到件事咁死，我好鍾意呢個角色架⋯⋯」基斯己經做左十一次「美國隊長」，佢話如果要再做多次同樣角色就一定要有詳盡計畫先得，唔可以觀眾想睇咩就畀咩佢地睇：「我覺得美國隊長由開頭到結束都好完美，佢地要有個完整嘅旅程。唔可以只係為左賺錢、或者只係觀眾想要就要畀美國隊長返嚟。而係我地應該要講咩故事、點樣令到故事更豐富。

網上圖片

基斯同施嘉莉影相嗰陣手多多，喺條片見到施嘉莉舉高手嗰陣，基斯居然去篤人地個胳肋底！不過美國隊長手多多其實向來都有前科，早前一班網友搜羅左佢涉嫌抽女明星水嘅證據。

網上圖片