Marvel隊長開聲想要免費Disney+帳號 粉絲Comic Con求婚場面感動又尷尬
送返個AC當係分紅都OK嘅。
迪士尼串流平台Disney+正式上線啦！基本上所有迪士尼旗下嘅經典作品都有得睇，例如星戰、Marvel、所有經典動畫全部坐喺屋企都可以睇到。可能大家會以為主演過迪士尼出品嘅演員都會有個免費Disney+嘅帳號，但其實唔係。《Marvel隊長》貝兒娜森(Brie Larson)上清淡節目《The Ellen DeGeneres Show》表示，原來佢係冇免費Disney+帳號。
網上圖片
喺節目入面，主持人Ellen就話《Marvel隊長》賺左2.8億美金，問貝兒會唔會拎到免費Disney+帳號，貝兒就表示冇免費帳號，仲話要趁呢個機會勸迪士尼送個帳號畀佢。之後貝兒就好搞笑咁望住鏡頭推銷自己，佢話自己最大賣點唔止係主演Marvel隊長簡單，佢話自己嘅出道作同時亦都係從演已嚟嘅最佳作品係迪士尼原創電影《Right on Track》。
網上圖片
另外，貝兒喺節目入面提到早前出席動漫展嘅時候見到唔少FANS，喺同兩個男FANS見面嗰陣，其一個突然向佢男朋友求婚，仲話：「我愛你多過Marvel隊長。」對方聽即時成個樣冧晒，應承左結婚。貝兒表示企喺中間覺得非常尷尬，主持問到對方有冇請佢去婚禮，貝兒好失望咁表示人地冇邀請佢去，又再即刻對住鏡頭呼籲對方快啲邀請佢。
網上圖片
去唔成婚禮唔緊要，貝兒娜森其實都夠晒資格拎迪士尼嘅免費帳號，又係Markvel隊長，仲要係迪士尼童星出身。迪士尼送一個帳號畀貝兒應該冇乜所謂，事關喺Disney+第一日開張嘅時候已經有一千萬人訂閱。
網上圖片
Disney+堪稱坐擁最大量唔同作品嘅串流平，包括：所有迪士尼動畫、所有真人版重拍電影、迪士尼頻道節目、Marvel動畫、電視劇同埋電影合集、星戰系列電影、劇集同動畫、二十世紀霍士所有作品、三十季嘅《阿森一族》。每月收費 $6.99 美元（約港幣$55 ）。
