澳洲畫家等唔切率先自製《Pokemon: Yeah/Nah》 融入本土特色獲網友大讚「仲靚過劍/盾」

Leng Zai @ UPower

其實可以整返個香港版,香港都有好特有嘅稀有動物同特別地貌。例如代表動物有白海豚、盧文氏樹蛙;獨特地形就包括唔同嘅香港地質公園,例如萬宜水庫東壩嘅火山岩柱。

網上圖片

最近發售嘅寵物小精靈系列遊戲都會對應返現實世界而設計,例如新出嘅《劍/盾》係以英國做背景、《日/月》係夏威夷、《X/Y》。搞到好多小精靈迷都好期待會嚟自己地方「取景」。

網上圖片

不過嚟自澳洲嘅畫家就等唔切Game Freak自己整左個澳洲版寵物小精靈,仲自己改埋名叫《Yeah/Nah》。藝術家利用twitter 帳號 VivinkArt推出同人創作,佢以澳洲為藍本,創作左唔同嘅小精靈同世界觀設定。

網上圖片

VivinkArt喺今年三月嗰陣已經開始諗點整《Yeah/Nah》,到近先開始補返唔同嘅詳細設定。故事舞台喺「Straya」,係個廣闊同集齊唔同地形嘅地方,例如沙漠、雪地、山脈都有。甚至仲有一個迷你紐西蘭,基本上就係照住澳洲嘅多樣地形同氣候而設計,玩家仲可以揀返自己嘅起點城市。

網上圖片

當然有得揀要男或者女主角,男主角叫Bruce、女主角叫Shella。玩家都可以自己揀主角要着咩衫。角色一定要留意返NPC角色,VivinkArt 以「鱷魚先生」史提芬艾榮為形象嘅地冠軍。

網上圖片

史提芬艾榮係澳洲著名動物保育專家,佢同太太一齊主持《鱷魚拍檔》系列紀錄片而出名,佢以保護野生動物為己任,例如佢救過百幾條擱淺嘅抹香鯨。但係,佢喺2006年拍攝紀錄片嘅時候,畀一條魔鬼魚嘅毒尾刺拮中心臟過生。喺《Yeah/Nah》世界,鱷魚系小精靈當然係鱷魚先生嘅好拍檔。

史提芬艾榮
網上圖片
網上圖片
袋鼠
網上圖片

起手三集嘅寵物小精靈,亦即御三家小精靈當然都係重點。首先係以袋鼠為原型嘅草系精靈Skippee ,特點係佢條尾可以當回力鏢咁用,靈感係源自澳洲原居民用嚟打獵嘅武器。Skippee 嘅最終進化形態都參展左澳洲國家足球隊嘅波衫顏色。

網上圖片

火系御三家叫做Scorcht ,以澳洲特有嘅赤腹伊澳蛇為原型,呢種蛇係黑紅色,有好強嘅神經毒素,但係其實唔會主動攻擊人。Scorcht 嘅最終進化型形態係火加毒,喺頭兩個階段唔係好睇得出係一條蛇,去到第三階段嗰陣個樣就會霸氣好多。

赤腹伊澳蛇
網上圖片
網上圖片

水系御三家係以澳洲特有動物鴨嘴獸為原型,個名叫Pladdle。佢嘅外型係參考澳洲出晒名嘅邦代海灘救生員,節目《六嚿腹肌拯救隊》就係講呢個沙灘嘅救生員日常。Pladdle嘅最終進化階段,佢條尾唔單止可以當滑板用,配色都同救生員嘅制服好似。

邦代海灘救生員
網上圖片
網上圖片

最左起手三隻小精靈之外,VivinkArt 都設計左好多有澳洲本土元素嘅寵物小精靈,例如超得人驚嘅大蜘蛛 Huntsmare、喺一戰當中為澳紐聯軍立下唔少功勞嘅驢仔Gallopoli 、以虞美人花為原型嘅Popia ,呢種花係用嚟紀念澳紐聯軍犠牲嘅義士。

網上圖片

VivinkArt 就表示嚟緊會補完道館同埋主角設定,會繼續完善成個Straya地區。有台灣網友就大讚《Yeah/Nah》,好過官方Game Freak多多聲,仲話GF可以自盡。大家點睇?

Facebook Conversations