【星球大戰9】男主角搬屋漏低份劇本 發現嗰陣已經畀人擺上網拍賣

Lai @ UPower

迪士尼可能係有專人廿四小時不停喺eBay睇住,如果唔係點解可以咁快買返份劇本。

網上圖片

《星球大戰:天行者崛起》係第九部曲,已經肯定左係最終回,之後會再發展新一系列嘅三部曲,今年12月19日就會喺香港上畫。但係,上畫在即之時,完整劇本竟然意外流出,向全球觀眾劇透晒!

網上圖片

《星戰9》嘅其中一位演員約翰保也加(John Boyega)早前認左自己唔小心整唔見個劇本,導演J·J·艾布斯(J. J. Abrams)亦都確認左有演員遺失劇本。約翰表示佢最近搬屋,劇本收埋左喺床下底,搬漏左份劇本。結果幾個星期之後,清潔工人見到呢份劇本,即刻擺去eBay拍賣,定價大$65英鎊(約$656港幣),相當抵買。

網上圖片

雖然迪士尼好快發現份劇本喺eBay賣緊,即時揾人用好平嘅價錢買返嚟。不過,迪士尼總裁Bob Iger同埋盧卡斯電影總裁Kathleen Kennedy都係相當唔高興,約翰保也加亦都擔心自己事業危機,好驚以後會迪士尼封殺。須知道而家迪士尼係全球最大嘅電影公司,一年總票房收係同全中國票房差唔多,得罪佢絕對有運行。

網上圖片

因為今次係星戰系列大結局,為左要呢個經典完美結束,所以保密功夫做到足。拍攝嘅時候除左導演同幾個主角之外,其他人只會拎到戲份嘅劇本,基本冇咩人睇過完整劇本。印劇本嘅紙仲係用紅色色紙印出嚟,慎防有人偷印。但係始終百密一疏,偏偏仲要係男主角整唔見,好彩買得返份劇本。

Tagged:

Facebook Conversations