【年度十大】社交網絡數據分析2019年十大受歡迎男演員
十個有六個MCU演員。
又嚟到年尾，意味住將會有一堆唔同嘅「年度十大」清單出現。社交網絡平台Tumblr選出年度十大男演員， 佢地就分析左唔同嘅網絡數據去選出嚟。一齊嚟睇下邊十個係年度男演員。
10. 基斯咸士禾夫（Chris Hemsworth）
網上圖片
今年咸士禾夫除左《終局之戰》之外，仲有《黑超特警組：反轉世界》，雖然後者口石碑票房都唔太好，但都造成一時熱話。嚟繄2021年就會上畫《雷神4》，睇下到時會唔會爭取到更高名次。
9.雷米馬力（Rami Malek）
網上圖片
相信2019年對於雷米嚟講係個完美嘅一年，拍左度票房大收嘅傳記音樂電影《波希米亞狂想曲：搖滾傳說》。佢憑藉飾演神級樂隊Queen嘅主音Freddie Mercury成功拎埋奧斯卡影帝。另外佢今年仲有喺第四季同最後一季嘅《黑客軍團》（Mr. Robot）演出，唔少評論認為呢兩季係最佳季數。而且雷米喺接近今年年尾仲拍左最新嘅占士邦系列電影《生死有時》（No Time to Die）。
8. 米高辛（Michael Sheen）
網上圖片
現年五十歲嘅米高辛，因為演左極歡迎嘅劇集《 Good Omens》，佢仲因為呢部劇成功登上Tumblr 2019年搜尋榜第一位。佢另外仲有主演《Prodigal Son》，佢喺呢部劇集扮演一個完全同《 Good Omens》嘅天使唔一樣嘅角色，佢飾演一個食人魔兼連環殺手，佢個仔係個私家偵探，呢個食人魔經常都會畀意見囝囝，等佢可以順利破案。
7.大衛坦南（David Tennant）
網上圖片
大衛坦南以前因為主演《異世奇人》（ Doctor Who）而聲名大噪，嚟到2019年佢又可以重新打入Tumblr 前十位置。事關佢今年亦都有份主演《 Good Omens》，同米高辛一齊扮天使。
6. 班哈迪（Ben Hardy）
網上圖片
班哈迪喺《波希米亞狂想曲》入面飾演演英國殿堂級樂手Roger Taylo嘅傳記片，除左男主角之外，佢嘅演出受到注目。而且佢以前做過《變種特攻》系列令佢累積唔少人氣。而且佢喺今年即將結束之前，佢又可以擔正大作，佢主演Netflix最新原創作品《鬼影特攻：以暴制暴》，由大導演米高比爾執導。
5. 羅拔唐尼（Robert Downey Jr.）
網上圖片
相信都唔需要再多作介紹，今年羅拔唐尼終於可以唔洗再做鐵甲奇俠，一句「I LOVE YOU 3000」感動無數觀眾。羅拔卸甲之後可以任意揀返自己鍾意嘅角色，嚟緊主演嘅《怪醫D老篤》會喺下年上畫，相信到時又會掀起新一股熱潮。
4. 湯希丹斯頓（Tom Hiddleston）
網上圖片
「洛基」一向高靚仔有型，不嬲都咁受歡迎，不過好多影迷都唔滿意佢喺《終局之戰》得咁少戲份。但係唔緊要，嚟緊2021年，串流平台Disney+就上架《洛基》嘅劇集。湯希丹斯頓其實一向都係好戲之人，佢唔單止會拍電影，佢今年仲有主演百老匯舞台劇《Betrayal》，觀眾個個睇都勁鍾意。
3.沙巴遜史丹（Sebastian Stan）
網上圖片
沙巴遜史丹成為第三位受歡迎男演員都唔出奇，始終生得靚仔之餘仲有咁多人鍾意Winter Soldier。嚟緊佢有份主演嘅MCU將品包括《The Falcon》同《Winter Soldier》嘅劇集，兩部劇都喺今年年頭開始拍。
2.基斯伊雲斯（Chris Evans）
網上圖片
相信美國隊長係數一數二受歡迎嘅MCU角色，基斯伊雲斯亦都可以唔洗再做隊長，揀自己鍾意嘅作品主演。不過佢近期又放風話做返美國隊長都冇問題，可能擔心做MCU以外嘅作品會唔收得，所以戴定個頭盔先。
1. 湯賀蘭（Tom Holland）
網上圖片
因為今年蜘蛛俠版權風波，所以蜘蛛仔湯賀蘭特別多人傾。今年佢仲要《終局之戰》加《蜘蛛俠：決戰千里》兩部票房驚人嘅作品，成為十大演員之首其實都唔出奇。嚟緊賀蘭仔嘅非MCU作品包括兩部動畫配音《變雀特工》同《1/2的魔法》、仲羅素兄弟執導嘅犯黑色犯罪劇情片《Cherry》。
