【攀山】一部漫畫兩部電影 挑戰極限高峰
要有充足訓練先可以挑戰自己。
網上圖片
今次要一部登山題材嘅漫畫《孤高之人》，故事主角一開頭已經有超人級嘅體能，但係就性格孤僻，因為佢成人畀人呃畀人背叛，所以就行山都係得自己一個。
人類置身喺海拔2438米以上可能會有高山反應，如果係8000米仲可能會死，事關去到咁高嘅大氣壓力只有平地嘅三份一。主角嘅終極目標係一個人登上海拔8611米嘅K2東壁，過去從來都未有人試過單獨成功登頂。
雖則男主角有超強體能，但佢都係勤力訓練，例如舉重、入雪房訓練耐寒能力，同時都會準備足登山裝備，以策萬全。
大自然係變幻莫測，就算你做足訓練兼有齊架生，如果有天氣唔穩定，無論有幾多準備都冇可能登頂。主角曾經見過唔少好手，做齊準備嘅人，佢地喺嘗試登頂嘅時候都死左。但係佢仍然決心要K2，睇漫畫就知佢最後有冇死。
網上圖片
K2正式名叫喬戈里峰，位於巴基斯坦同中國嘅邊界，海拔高達8611米，僅次於珠穆朗瑪峰，係巴基斯坦境內最高峰。登山客通想會叫呢個山峰做K2，因為位置偏僻，山路又斜，所以被認為最難攀登嘅8000米以上高峰之一。
網上圖片
另外一部同攀山相關嘅電影作品係《赤手登峰》，亦都係一個玩命故事。呢部紀錄片係關於一個攀山狂人，佢完全冇任何裝備，挑戰徒手攀上酋長岩。紀錄片由佢喺出發前點樣訓練，再講埋佢同女朋友嘅關係。仲會有身邊人點睇佢「送死」行為。
網上圖片
仲有一部關於攀山嘅韓國電影《極限逃生》，由韓國男星曹政奭，天團偶像允兒主演，劇情講城市突然充滿毒氣，聞到嘅人一定會死。而男女主角係攀岩好手，喺都市叢林之間攀爬逃生。
