朱晨麗「挑機」伍允龍 擺一字馬婚紗照
邊夠你兩個玩啊!
伍允龍在無綫劇《兄弟》與朱晨麗飾演一對，劇中伍允龍會向朱求婚，二人在倫敦名勝拍婚照，跳高加一字馬，創造「潮爆婚照」。
伍允龍與朱晨麗二人在倫敦名勝景點倫敦橋拍婚照，雖只是道具照片，二人絕不馬虎，跳高加一字馬「惡鬥」。朱朱笑謂：「好多動作甫士都係我哋自己創造，佢展武功，我展舞功。佢有咁好嘅拍檔，即係我，先至會有咁嘅畫面啦！」
現實中，朱朱難掩對披婚紗的憧憬，她坦言：「我有諗係咪要去歐洲，搵最浪漫地方影（婚紗）相。」至於劇中王浩信及楊明的感情會否一樣修成正果，朱朱笑謂：「唔可以劇透，我只講我哋應該係最Sweet嗰Pair，進展得比較快。」
