• 天天有娛

華仔取消演唱會台上痛哭 Sammi身同感受：好明白！

2019年01月01日 05:47 pm

@ UPower

Sammi：會覺得好內疚同有心無力.....

鄭秀文（Sammi）、劉皓龍、菊梓喬及竹淑兒等出席商場倒數活動，首次出席商場倒數活動的sammi，表示好開心能夠跟市民倒數，好有意思，她更主動提到好友劉德華因患上流感而取消個唱，見到對方流淚時，感到好肉赤，都好明白他會覺得好內疚同有心無力，並望華仔好好休息！

sammi表示雖然商場與紅館倒數不一樣，但各有各不同熱鬧，但幾懷念在紅館舉行個唱倒數。談到新年願望，她表示身體健康，有身體健康可做更多事，是無價寶。

對於在社交網站上載做運動短片，sammi笑言今日天氣13、14度也去跑步，其後才去工作，以前試過7、8度氣溫去跑步，但認為只要著足夠衣服便可，不過現時應要小心身體，因為今年要開個唱。

當笑她撇甩老公許志安出席倒數活動賺真銀，sammi笑言老公若有工作也會去做，老公今晚相約了公司同事慶祝，稍後她會加入派對。sammi更主動提到好友劉德華因患上流感而取消個唱，希望對方好好休息。她說：「我有打畀佢，第一次取消個場當日下午大家有互相傳訊息，那場我都唔睇到，之後我都有同華仔身邊的人聯絡睇下有乜幫到。」

她坦言自己也曾試過失聲，老公去年入院因發高燒兼失聲，亦明白會好辛苦又疲倦，希望華仔快點康復。問到見到華仔在台上宣布取消演出而流淚，可會感心痛？她說：「好肉赤！我自己好明白，一樣在台上喊，覺得好內疚同有心無力，但流感無先兆，真係好難預料，希望佢好好休息。」她更透露為開個唱經已開會，不過認為以實名售票門票機制並非好簡單，公司亦找方法如何售票，希望排隊的市民不要有危險，所以公司也很頭痛。