【何方妖孽】軒仔情迷低成本cosplay 專登炮製MV惡搞祖兒
靚到不能直視！
張敬軒化身「火龍果」惡搞容祖兒紅館個唱海報後，已預告會「軒公出片」，軒仔更不惜公本，租影樓出動梳化服和舞者拍攝團隊，將祖兒的《Pretty Crazy》變《Pretty Hungry》炮製成「張敬軒有咩問題？惡搞容祖兒 Pretty Crazy MV」，製作認真！
張敬軒
《Pretty Hungry》MV入面有四個造型，軒仔指他最愛的是一套用膠袋堆砌而成的服裝，「雖然膠袋唔環保，但係我哋其實可以將佢廢物利用，好似呢套膠袋衫咁，造出嚟之後，其實真係靚㗎喎，我覺得呢套衫真係好出色。」
張敬軒
除此之外，另一個零食造型是為軒仔度身訂造，原來因為唱片公司團隊同事覺得軒仔太為食，所以除了將歌詞改為「Pretty Hungry」，更特意為他造了一個零食背囊，軒仔笑言：「同事真係好有心，背囊上面全部都係我鍾意嘅零食，當中有我平時半夜直播食嘅，不過我覺得個背囊太靚啦，真係唔捨得食，所以決定之後將背囊送俾歌迷。」至於為何鍾意玩「low cost cosplay」？軒仔認為這樣才是二次創作的精粹，「咁樣先體現出低成本製作出嚟嘅作品都有好嘅效果，同埋更加激發到創意。」
張敬軒
MV推出後經過一夜，軒仔於IG上載與祖兒版本對比的片段，無論造型和表情都笑爆網民。他留言：「今朝一早，阿 #年度亞熱帶混血新人 #火龍果 打俾我，話佢啱啱加入娛樂圈就壓力爆煲 #要開始安排退休嘅事宜 #啲傳媒同公眾嘅壓力令佢緊張到有 #神經病 #佢依家覺得自己 #prettycrazy #佢話喎 你哋一個二個話佢惡搞，佢話佢喱啲係致敬吖 #佢話囉 #唉我咩都唔知吖我你哋自己睇下喇唉」。
祖兒即回應：「何方妖孽，唔好再攪我好朋友，我軒仔以前好乖巧㗎，唔知點解而家攪成咁，唔好講咁多啦，一於攞筷子嚟夾佢啲手指，燒啲符水佢飲吧啦」。
網上圖片
意想不到，很多網民對軒仔戴假髮女裝扮相讚口不絕，連泳兒、楊千嬅、鄭希怡和鐘欣潼等都紛紛留言，而經理人霍汶希（Mani）還表示：「真的跳得不錯。」軒仔似乎可以考慮轉型為跳唱歌手行列。
霍汶希
鄭希怡
鐘欣潼
楊千嬅
泳兒
