茶記食30蚊早餐攞1000蚊埋單 醒目伙計高招玩殘OL港女

L.A. @ UPower

對付西客要比對方更西……

有時候避免爭拗,又或不夠零錢,加上減低收到假鈔風險,本地很多小店及食肆都會寫明拒收500或1000元大鈔。不過,最近有餐應伙計就上網大吐苦水,稱遇到一名女白領到茶記食早餐,惠顧了一份30多元的早餐,給果竟拿一張千元大鈔埋單,更直指「就係想你找散畀我」!伙計認為一大早給千元大鈔似是捉弄小店,結果這名伙計情急智生,高招將這名OL玩返轉頭。

網上圖片

該名於平民茶餐廳工作的伙計在facebook群組「西客之道 Hispitality Secret」大吐苦水,留言﹕「希望咁多位貴客要知道舖頭係冇義務去幫各位打散你哋啲大紙,一個係咁兩個係咁,個個都係咁......係咪各位搞錯咗啲咩呢?」他於日前早上9時左右遇上了一名OL港女,吃完30多元的早餐後,竟拿一張「金牛」埋單!樓主見狀即反白眼,直問﹕「有冇細張少少嘅?冇咁多散紙找唔開。」怎料OL港女卻說﹕「冇喎,我就係想你找散畀我呀嘛!」

伙記在文中表示﹕「朝早就塞張大紙過嚟,500蚊都叫有可能找得開,1000蚊紙找乜嘢呀?」他表示要找給OL港女10元、20元鈔票,OL港女卻不滿﹕「散成咁梗係唔得啦」。他提議OL港女放低物品抵押,自行去唱散1000元大紙後再回來埋單,OL港女卻說﹕「點解要我放低啲嘢做抵押呀,你哋自己出去唱囉,我而家畀咗1000等住你哋找返900幾蚊畀我呀!」

伙計眼利看到OL港女當時銀包有散紙,藍色、綠色、紅色都有,卻「係要拎張金色出嚟,就唔好怪我哋唔客氣啦」!於是便叫另一伙計出去唱錢,更特別暗暗叮囑﹕「唔需要急,最重要啱」,結果OL港女等了好久仍未見該伙計回來,不耐煩問為何要到銀行唱錢。

網上截圖

最後等了45分鐘,OL港女終崩潰並忍受不住說﹕「其實我有散紙架,我而家就埋單,唔洗唱散好唔好?」而去唱錢的伙計1小時後終回來,並向OL港女找回900多元散紙,樓主在文中直言﹕「其實同事過隔離舖唱錢只係5分鐘,不過去咗第二到食埋個早餐先返嚟啫,早知叫佢買埋餸先返嚟啦!」

該帖瞬間引起熱議,網民大呼大快人心!有人留言﹕「一開始自己有嘅就畀散啦,態度又咁X,抵被人玩」、「有細紙仲特登比大紙,張1000係唔係假?」、「我成日都咁講,對付呢啲人,你要做得誇張過佢10倍、50倍、100倍,咁佢先識衰!」

Tagged:

Facebook Conversations