• 天天有娛

Fiona同超蓮合作拍廣告 鬥忍笑邊個NG就要罰錢

2019年07月27日 01:28 pm

UP_PT @ UPower

估計邊個贏咗？

薛凱琪（Fiona）和何超蓮這對好姊妹日前一起接拍護膚品牌廣告，由於這對大笑姑婆「笑點」只屬初階，因此在鏡頭內外，無時無刻都充滿着二人愉快的笑聲。拍攝前，二人更列出罰則，每NG一次，就要罰錢，結果Fiona輸倒，說：「我識嘅超蓮見到乜都笑，笑點好低，以為我贏梗，點知自己太輕敵，其實拍呢個廣告，我哋真係由朝笑到晚，拍完片之後仲要拍硬照，已經笑到有啲攰！」

拍攝期間，除了笑聲不絕，笑料亦百出，Fiona回想最難忘一刻，是當中一個牀上鏡頭，說：「有一幕劇情講佢賴牀，我要拉佢起身，其實大家都喺度演緊戲之嘛，點知超蓮真係一啲力都唔用，我真係唔夠力！」畫面設定原本頗優雅，誰知睡牀最後變成格鬥場，二人你拉我扯一輪，幾經辛苦下才完成拍攝。

二人憶述首次見面時，就是在賭枱上，當時是農曆新年時間，她們和一大班朋友一齊玩「射龍門」，結果不難猜到又是超蓮大獲全勝，之後她們便開始相約吃飯去旅行，了解日深，朋友變好友，好友變知己。回想二人相處點滴，超蓮笑言：「其實未認識阿Fi前，覺得佢係女神，識落之後原來係女神經，冇包袱咁樣先夠真，所以我哋就可以咁friend。」