克勤落台企錯位險出意外 祖兒眼疾手快飛身攬住勇救
小心啲啊～
容祖兒（Joey）入行20周年的紅館騷《容祖兒Pretty Crazy演唱會2019》到第五場邀請到另一重量級嘉賓李克勤，兩位超級靚聲王完美演繹《月半小夜曲》及《刻不容緩》，令觀眾讚歎不已。楊受成與太太、莫文蔚、毛舜筠等均現身捧場。
容祖兒昨晚舉行第5場演唱會。
克勤一亮相就大讚祖兒紅館個唱好厲害，笑說：「嘩，真係要恭喜要你先！個騷真係好犀利！成晚係對眼未停過，好忙！你個舞台設計師叫咩名話？聽講好勁，幫好多國際巨星設計舞台，我都係第一次聽到設計師人工高過歌手！」繼而克勤笑着指着頭頂的舞台設計說：「佢哋話呢件係藝術品！我個人覺得設計師個靈感一定係來自我哋個蚊香！」語畢引來全場大笑，祖兒更加笑到站不穩。
容祖兒、李克勤。
克勤更為觀眾爭取福利：「我唔知你點搞啦，今晚星期五大家無咩做，你一係唱夜啲補番啦，反正你好多歌都未唱！」祖兒笑說︰「你手指拗出唔拗入呀你！你講啦你，你同我睇到開燈先好走呀！」隨後兩人合唱《刻不容緩》後，克勤落台時因太心急之下，竟然企錯位，險生意外。祖兒見狀9秒9飛撲過去攬着克勤，她笑說：「行錯路啦你，呢度降你落去呀，阿哥！」救回克勤一命。
容祖兒、李克勤。
容祖兒
莫文蔚。
楊受成與太太。
