太太Shirley患罕見癌症 林子博積極面對獨力撐起頭家
Shirley明白老公其實好大壓力，也憂心他承受不了爆煲。
無綫娛樂新聞主播林子博與太太Shirley結婚16年，育有14歲女兒林詠渝與10歲兒子林卓楠，一家原本生活幸福，但Shirley於今年4月確診患上罕見的「平滑肌肉瘤（腹腔）」，發現時已有擴散跡象，更進入第四期，只能接受化療。Shirley接受《東周刊》獨家專訪，她激動落淚說：「當知道有呢個病之後，我情緒非常之激動，而且好負面，老公喺我面前表現好正面，因為佢唔想我唔開心，但係我知道佢負擔好大，我驚佢會有一日爆煲。而家我冇返工，又要成日睇醫生，只係得佢一個人撐起頭家，見到佢成個人落晒形，我乜嘢都幫唔到手，其實我自己都好唔開心。」
《東周刊》圖片
Shirley續說：「醫生話呢個病一萬人先有一個，藥廠都唔會做呢啲咁少人用嘅藥啦，所以我如果要食到真正有效嘅藥，簡直天文數字，我哋冇晒希望。上次去照腫瘤嘅面積，大咗好多。我起初做化療嘅時候，二十四小時都全身痛楚，去唔到廁所，瞓唔到覺，食唔到嘢，條頸爛晒，足足捱咗七日，副作用係大到冇人相信到！」
因為太太患病，林子博要一個人撐起頭家，太太當然憂心。（《東周刊》圖片）
《東周刊》圖片
林子博要一個人撐起頭家。（資料圖片)
