火辣Deep V泳衣盡騷好身材 傅嘉莉預告顯露終極性感

GGWP @ UPower

WOW~

傅嘉莉在《3日2夜》柬埔寨壓軸篇大晒5吋深坑事業線。

「火辣女神」傅嘉莉 (Kelly)之前在TVB旅遊節目《識玩旅行團2》中穿上純白色三點式,於鏡頭前「Big波」蕩漾浸溫泉,大晒34C脹爆「胸器」,就連73歲「家英哥」羅家英都看到心心眼,忍不住在社交網上轉貼。

本周二(18日)外景時,Kelly率先派福利,身穿火紅色噴血泳衣的Kelly置身柬埔寨一個Infinity pool大晒C cup身材。

好東西當然不能停止分享,在全民繃緊抗疫下,身在柬埔寨拍《3日2夜》壓軸篇的傅嘉莉換上一件頭火紅色hot爆泳衣,在藍天白雲下繼續「派福利」等大家醒醒神,Kelly還預告在節目中會做spa,到時肯定連泳衣都不用穿,挑戰終極性感!

Kelly話當地天氣雖然熱,但有微風送爽,變得好舒適呀!

《頭條日報》報道,由張志明監製的《3日2夜》及《識玩旅行團》系列離不開靚人、靚景,絕沒有冷場。而《3日2夜》柬埔寨壓軸篇由索爆傅嘉莉夥拍大隻型男楊潮凱上陣。本周二(18日)外景時,Kelly率先派福利,身穿火紅色噴血泳衣的Kelly置身柬埔寨一個Infinity pool大晒C cup身材,同當地天氣一樣,好hot!

傅嘉莉完成日本之旅,心廣體胖。
新年期間在日本放鬆狂食後,明顯多了肉地同「曱甴肚」。
今次帶了兩、三套戰衣,會因應故事情節show身材。

由於剛去完日本旅行的Kelly就因為食好多東西,心廣體胖,還有埋「曱甴肚」添,上圍當然比前豐滿了啦!所以她坦言好有壓力,「今次會帶咗兩、三套戰衣,會因應故事情節嚟show身材,不過,應該會比《識玩2》更加激,因為有做spa場口,連泳衣都唔使着,要背部全裸,只係揞住重要部位,我又唔介意晒身材,最重要係靚。」在旁的潮凱贊同道:「佢天生一副好身材,喺男人視角,我梗係想佢着多啲泳衣;作為好友,只要佢靚就得喇!」

傅嘉莉、楊潮凱同江嘉敏拍完《識玩2》結成好友。
傅嘉莉、楊潮凱合作拍完《識玩2》後再下一城,兩人默契十足。
飛機上傅嘉莉、楊潮凱做足防護,戴上重型口罩,又在座位附近噴消毒酒精。

Kelly坦言對此行有期待,「之前因為大懵,原來護照有效期唔夠半年飛唔到檳城,好彩監製再畀機會,就算出發前要打三枝防疫針,打完左手打右手,打到針口位好痛都抵。不過,因為新型冠狀病毒疫情嚴重,團隊都一度擔心飛唔到,當時真係好驚同《3日2夜》冇緣。

第一次喺咁嚴峻嘅環境下飛,周圍氣氛好緊張,反而我哋放輕鬆,只要做足衞生、增強抵抗力就得喇,如果我擔心,媽咪就會更擔心,咁狀況,媽咪梗係唔想我出外拍嘢啦!都讚吓Fans好有心,佢知我要坐飛機,送咗兩件粉紅色雨衣畀我上機着。」潮凱提示她雨衣着完要即棄,他肉緊說:「梗係唔好再着啦,傻嘅,保護衣嚟嘛!」此刻,傻更更的Kelly才恍然大悟,最初她打算用酒精抹過再着,不想不環保。

之前Kelly因為護照有效期不夠半年飛不到檳城,在香港機場食完個早餐就折返。
Kelly着埋fans送的粉紅色雨衣上機防護。
身處柬埔寨拍《3日2夜》壓軸篇的傅嘉莉好OK,叫媽咪不用擔心她。

提到上次在《識玩2》中,Kelly身穿白色泳衣,迷人的曲線一覽無遺成焦點,她大讚是攝影師功勞,「因為上次介紹好多溫泉酒店,主要係攝影技巧拍得靚,其實潮凱都幫我影咗好多靚相,但我影佢就outfo,呢個都係我嘅壓力呀!」

《識玩2》中着上純白色三點式,看到一眾宅男心心眼。
《大醬園》中傅嘉莉做女特務,會周旋何廣沛同朱晨麗之間,而且有好多動作場面。
在《包青天再起風雲》中同張振朗有不少對手戲。

Facebook Conversations