上海SSG女棒 美女球手人人讚
上海SSG女子棒球隊雖然係今屆鳳凰盃只係贏到一場波、以第9名完成比賽，但呢隊波仍然謀殺左攝影師唔少「菲林」，原因係隊中球員夠晒青春可人，特別係99號球員劉娖同埋23號球員沈良華都頗為「省鏡」，難怪一班影友都「舉機致敬」﹗
劉娖在北京棒球界無人不曉
呢支上海女子棒球隊全名係上海Super Girls，聽落都似少女組合，而球隊官方微博都以「追逐夢想，熱愛棒球的偶像少女隊」自我介紹，可見青春、靚女係球隊賣點之一。擔任三壘手既劉娖係隊中既美女之一，21歲既佢係北京物資學院既大學4年級生，網上更有人形容佢係「傳說中在北京打球的沒有人不認識」，可見劉娖有一定知名度。
手套上面繡住「小娖娖」，夠晒可愛
呢位暱稱「娖娖」既美女球手，手套上面都繡住「小娖娖」既字，相當可愛，小學3年級開始打棒球既佢，因為上海SSG教練係微博見到佢打波既相而邀請佢加入球隊，雖然棒球係內地未算係大項，但劉娖就話自己學校既棒球氣氛唔錯，而且北京既高等學院之間有比賽，暑假又有全國大學生比賽，加上近年越來越多棒球俱樂部、場地，所以棒球運動發展都幾好。
沈良華是中、日混血美女
除左劉娖，上海SSG陣中仲有中、日混血既美女球手沈良華，呢位二壘手大家習慣叫佢Ryoka，係上海交通大學醫學院3年級生。Ryoka讀高中果時練過板球，到大學就接觸棒球、壘球，佢就話以前已經想試下玩棒球，撞啱大學有棒球隊所以就加入，第1次參加鳳凰盃既佢就話自己係運動型女生，好多項目都鍾意玩喎。
