話說尋日「細哨」朗拿甸奴出沒喺中環，但就無乜人認得佢，然後佢晏晝就飛左去海口出席活動。其實佢短暫出現喺香港，係為左星期六嘅巴塞香港球迷會獎品簽名，認真有球迷心。
之後佢去到海口，亦有同內地嘅球迷互動，包括一齊selfie，再係網上分享圖片。相信有唔少香港Fans都覺得走寶，希望可以再搵佢合照拎簽名，但唔駛葡萄，據了解佢今日會返香港，大家可以試下再去尋日佢入住嘅文華東方酒店撞下佢，合照拎簽名打卡！
