【省港盃】謝朗軒黃梓浩終於同場 張振興巴打由校隊踢上港隊
【Upower廣州直擊】互射12碼階段，謝朗軒冷靜一射中鵠，幫助港隊重奪失落4屆的省港盃。
第40屆省港盃最後以互射12碼決勝負，港隊有門將袁皓俊撲出兩球，加上謝朗軒埋齋射入，以總比數6：4擊敗廣東隊捧盃。
謝朗軒後備入場與盧琳交手 本網記者攝
黃梓浩帶病上陣 本網記者攝
雖然落場時間很少，但是負傷在身的謝朗軒未有錯過機會，冷靜地射入12碼，然後激動地咆哮慶祝：「之前射失過一次12碼，是上年盃賽對南華，那一球射不入結果令球隊出局。呢場省港盃係上次之後再在比賽中射12碼，都有少少陰影，但是我很想吸取教訓之後做得更好。由第一球開始，我已經記住龍門撲那一個方向，直到我射那一球，令到我估計到他撲向哪一邊。那一刻心情除了興奮之外，還有是釋放了面對射12碼關頭的壓力，所以射完之後，知道個下結果真係贏咗，整個人真係好激動。」
謝朗軒操刀入12碼 本網記者攝
本網記者攝
港隊教練郭嘉諾指出，謝朗軒和黃梓浩今次各有傷病，謝朗軒是大腿有傷患令出場時間較少，黃梓浩則是生病加傷患令到狀態不是十足，不過二人都頂住壓力貢獻港隊。謝朗軒和黃梓浩本是張振興伉儷書院的足球校隊成員，又是東方青年軍出身、跟隨名將李健和學藝，不過現在黃梓浩效力東方龍獅，謝朗軒獲效力理文，二人已經不再像從前校園時代可以經常並肩作戰。
本網記者攝
本網記者攝
張振興好同學謝朗軒及黃梓浩慶祝捧盃 本網記者攝
昔日校隊隊友今天一起穿上港隊戰衣，帥氣的謝朗軒非常感恩：「由中學校隊到球會，到現在代表隊，到今次係真真正正為香港隊攞到一個獎牌，係一個好難忘的回憶。我和王子兩個同場比賽，可能越大就會越少機會，所以我都好珍惜每一次機會。自己今次落場時間比較少，可能因為正選上陣的隊友，無論經驗或者能力都比自己優勝。所以我在賽事當中，不斷觀察同位的隊友如何去踢，一定要令自己進步。」【吳家祺】
