PSG爆冷大炒巴塞4粒 「壽星仔」迪馬利亞梅開二度
歐聯16強首回合開打，擁主場之利的巴黎聖日耳門（PSG）爆大冷，以4:0大勝五屆冠軍巴塞隆拿，PSG的翼鋒迪馬利亞剛好今日生日，連入兩球為自己慶祝，真係「happy birthday to me」。
（AP圖片）
開賽18分鐘，號稱「地上最強」的巴塞即告失守，PSG由「天使」迪馬利亞射入罰球先開紀錄。第二個入球亦於上半場發生，巴塞於40分鐘中場失波，立刻被對手打快攻，馬高華拉堤於禁區頂妙傳，達斯拿接應後起腳破網，將比數拉開至2:0。
（AP圖片）
巴黎聖日耳門今場靠同日牛一的迪馬利亞及卡雲尼，以及冬季轉會加盟的達斯拿作攻擊組合，令巴塞防線形同虛設，而巴塞其後嘗試力挽狂瀾，但全場僅得一次射門中框，被PSG撳住嚟打。55分鐘，迪馬利亞梅開二度，禁區頂擺好姿態射成3:0。
（AP圖片）
PSG得勢不饒人，繼續搶攻，於71分鐘由卡雲尼「埋齋」，最終以4:0大勝巴塞隆拿。巴塞教練安歷基賽後表示，是晚為災難一夜，即使球隊的控球率接近六成，但敵隊無論有無波喺腳都好，表現都較巴塞為好，而他需付上全部責任。
（AP圖片）
（AP圖片）
（AP圖片）
