大菲哥答非所問 記者會搞搞震圖輯
【Upower廣州直撃】今日晏晝既亞冠盃賽前記者會,廣州恒大主帥「大菲」史高拉利可謂表情多多,有時又答非所問,仲偷睇亞洲足協新聞官既筆記,臨走仲寫左啲嘢上去,可謂搞搞震。
大菲哥今日可以話係玩轉賽前記者會場,過程之中佢表情多多,時而沉思、時而大笑、時而扁咀、時而嚴肅,記者會期間仲哄個頭過隔離偷睇亞洲足協新聞官為左翻譯記者問題而抄低既筆記,睇完就向恒大隊長鄭智做左個無奈既表情,臨走前仲係份筆記度寫嘢,之後向住新聞官聳聳肩、攤開手扮冇事,然後又拍拍對方,真係搞搞震。
係記者會期間,大菲哥都有九唔搭八、答非所問之舉,有記者問佢對於同東方龍獅女主帥陳婉婷交手有咩睇法、有咩想講,佢就答「佢係香港球隊既教練,我係恒大教練」,當大家以為大菲哥仲有野講落去時,原來佢咁就答完左,真係估佢唔到。