• 體新聞
• 足球

英格蘭作客3：2破西班牙 史達寧破荒入兩球：3年無入波實在太長！

2018年10月16日 11:14 am

無忌 @ UPower

史達寧在英格蘭代表隊衰咗3年，一直等緊個機會爭返口氣。

「我衰咗3年，我等緊個機會，爭返口氣。唔係要證明話畀人聽我威，只係想話畀人聽，我唔見咗嘅嘢我想自己攞返。」如同電影《英雄本色》發哥的經典對白一樣，在英格蘭代表隊衰咗3年的史達寧，在香港時間周二(10月16日)凌晨終於做場好戲。

這位英格蘭前鋒今次在歐洲國家聯賽A4組作客鬥英格蘭，分別在16分鐘及38分鐘入球，打破個人在代表隊3年來的入球荒，加上拉舒福特在29分鐘入波，幫助英軍半場已經領先3球。換邊之後，英格蘭被主隊西班牙射手柏高艾卡沙及守將沙治奧拉莫斯建功，但仍然以3：2作客贏波，粉碎對手保持主場38場不敗的走勢。

英軍今場首兩球都是由門將長傳予哈利卡尼，然後卡尼分別傳予史達寧及拉舒福特埋門得手，過程簡潔有力，賽後修夫基都大讚卡尼、史達寧及拉舒福特踢出好表現。英軍在A4組1勝1和1負得3分排第2，僅次2勝1負的西班牙，同組克羅地亞1和1負排第3。英軍尚有最後一場賽事鬥克羅地亞，現時仍然有機會爭取出線4強。

打破3年入球荒之後，在世界盃期間一直沒有入波的史達寧如釋重負：「能夠入球實在美妙，我的位置就是要負責入波。這個入球對於我意義深遠，3年沒有入波，實在太長時間了。我太長時間沒有為英格蘭入波，現在所有壓力及煩惱都隨著慶祝入球一掃而空。再沒有比穿起英格蘭球衣入球來得更好的事情，今場我們展示出活力及勇氣，敢於運用皮球進攻。」