NBA球星「娛樂大亨」踩過界發大財 勒邦占士過半收入唔係靠打波賺返嚟
運動員生涯咁短，到底要打好啲籃球定要趁仲有名氣嘅時候賺下錢呢？
《福布斯》早排公布左NBA喺2019-2020年度十大最高收入嘅NBA球星，其中湖人當家星勒邦占士（LeBron James）一年袋左9,240萬美元（大約7.24億港幣），不過佢有近六成收入都唔係打籃球賺返嚟，瞓身舐盡中國市場係有原因。再睇真啲，十大收入最高嘅球星，起過一半都插手搞娛樂事業，投資搞製作公司之餘，仲會落場做埋演員同歌手。
AP圖片
「大帝」占士已經連續六年成為NBA收入冠軍，佢今季除左喺湖人?到3740萬美金年薪之外，仲可以收到Nike、可口可樂嘅巨額贊助。除此之外，佢仲搞左間SpringHill娛樂公司，同華納兄弟合作拍攝《太空也入樽》（Space Jam）續集，第一集係喺1996年111上畫，由籃球之神米高佐敦（Michael Jordan）主演，嚟緊嘅續集就換成勒邦占士擔正，暫定2021年七月上畫。
NBA吸金王賺到笑
AP圖片
AP圖片
除左拍電影之外，占士仲係媒體公司Uninterrupted嘅老細，Uninterrupted係多媒體平台，主要製作體育節目，當然占士都會喺幕前演出。早前Uninterrupted都有同Nike合作，以佢嘅名句「I am more than an athlete」搞推出左一系列產品，又賺到一大筆。今年占士同佢好朋友，天王級rapper Drake 一齊喺加拿大搞左間分公司，致力將公司業務全球化。可能占士想佢嘅媒體公司打入中國市場，所以喺莫利風波之中喪擦中國鞋。
AP圖片
相比起占士，效力勇士嘅史堤芬居里（Stephen Curry）就顯得純樸得多。「咖喱仔」係一個虔誠基督徒，舊年搞左間媒體公司Unanimous，主力製作親情、友情同埋信仰有關嘅作品。今年Unanimous就發行左一部《Breakthrough》嘅宗教電影，居里都有份演出。呢部戲成本1,400萬美元，埋單賺左5000萬美金，Sony 知道左就即刻同佢間公司簽左合協議。
AP圖片
於居里嘅前隊友杜蘭特（Kevin Durant），喺2016年佢同經理人合組左Thirty Five Media，主要係製作同運動相關嘅節目，其中以籃球為主嘅劇集《Swagger》會喺11月上架Apple TV。
當然唔係個個球星都鍾意做老細嘅，網隊球星Kyrie Irving喺幾年前化老妝做Uncle Drew幫百事可樂賣廣告，成為一時佳話，舊年仲將伯伯造型帶入銀幕，拍成喜劇《街頭祖霸王》，票房大賣。艾榮專注做戲，唔似其他人搞公司，最近佢就計劃主演一部以位於奧克拉荷馬嘅酒店為背景嘅恐怖片。
喺收入榜排第十嘅拓荒者明星後衞李拿特（Damian Lillard），唔打波嘅時候其實係一位rapper，佢以Dame D.O.L.L.A.嘅藝名喺hip-hop界揾外快，最近就同傳奇球星奧尼爾（Shaquille O'Neal）展開rap battle，兩個爭做NBA最佳饒舌歌手，造成熱話。
福布斯2019-2020年度十大最高收入NBA球星排行榜：
網上圖片
